1. Höfðum til barnanna
Höfðum til barna með myndrænu dagskipulagi, valtöflu og matseðli.
2. Merkjum allt
Merkjum allt milli himins og jarðar á frístundaheimilinu með orði og mynd. Gaman er að gera það í samstarfi við börnin.
3. Bækur sýnilegar
Höfum bækur sýnilegar og látum skemmtilegar bækur snúa fram til að auka áhuga barnanna.
4. Hressing að gæðastund
Gerum hressinguna að gæðastund með spjalli við börnin eða ævintýralegri sögustund.
5. Upplýsingar í augnhæð barna
Aukum upplýsingaflæði til barnanna með myndrænum reglum, leiðbeiningum og sáttmálum sem eru sett upp í augnhæð barna. Tilvalið er að hengja upp fjölbreytt veggspjöld Frístundalæsis t.d. tilfinningavegspjaldið.
6. Lestrarhorn
Komum upp notalegu lestrarhorni með fjölbreyttu úrvali af bókum á mörgum tungumálum. Tilvalið er að skreyta rýmið með bókaormi þar sem bækurnar sem börnin hafa lesið eru kortlagðar.
7. Kortleggja tungumálaauð
Hvaða tungumál eru töluð á frístundaheimilinu? Kortleggjum þau og höfum stafróf þeirra sýnileg.
8. Tíu mínútna reglan
Notumst við 10 mínútna regluna: Gefðu þér 10 mínútur til að eiga í samskiptum við hvert barn sem stendur höllum fæti félagslega eða er fjöltyngt með íslensku sem annað tungumál.
9. Algengustu orðin
Hver eru 100 algengustu orðin í íslensku? Höfum þau sýnileg annað hvort á gólfi eða á veggjum.
10. Hópleikir
Bjóðum upp á leik dagsins. Skipuleggjum einn hópleik í útiveru ásamt því að hafa lýsingu og reglur sýnilegar.