Samstæðuspil með stjörnumerkjum
f
Verkfærið Stjörnumerkjaspil er skemmtilegt samstæðuspil sem inniheldur 24 spil, 12 pör, með stjörnumerkjunum. Spilið eflir bæði minni og vísindalæsi barna á jákvæðan og gagnvirkan hátt.
Tilgangur spilsins er að stuðla að samtölum um stjörnumerki og tengsl þeirra við mánuði ársins. Mikilvægt er að gefa sér tíma til að ræða stjörnumerkin um leið og þau koma fram í spilinu ásamt mánuðunum. Þá geta oft skapast áhugaverðar umræður á meðan á spilinu stendur.
Stjörnumerkin sem birtast í spilinu tengjast veggspjaldinu sem sýnir stjörnumerki og er því gott að hafa það við höndina þegar spilað er. Börn fá þannig fjölbreyttar leiðir til að kynnast og skilja stjörnumerkin í leik og samveru.